حمامتك يا ريس / أحمد فؤاد نجم .. مصر ........................

حمامتك يا ريس

أحمد فؤاد نجم

مصر

حمامتك يا ريس حمامة السلام
نايمة يا ريس واسأل سوزان
بص يا ريس حمامة الجيران
واقفة يا ريس فاكة الحزام
داخله يا ريس فى كل مكان

حمامتك يا ريس حمامة السلام
نايمة يا ريس واسأل سوزان
نفسى يا ريس أشبع وأنام
وتغور يا ريس وتغور المدام
وابنك يا ريس يغور كمان
وتغور يا ريس كل الحيتان

حمامتك يا ريس حمامة السلام
نايمة يا ريس واسأل سوزان
شايف يا ريس حمامة إيران
تبسط يا ريس آدى الحمام

مش انته يا ريس مرخرخ جبان
حمامتك يا ريس حمامة السلام
نايمة يا ريس واسأل سوزان

عليا الحرنكش يا ريس مبارك
في عصر مزركش ملون بنارك
لأبايعك وأبايع حكومة حمارك
ملعون أبو اللي يقدر يقاطع قرارك
نهاره مقندل وليله مبارك

فهمبك وهجص وطلع في عيننا
أكيد هيا طالعة تشاهد جمالك
جمالك مبارك سوزانك سوزاننا
يا محلى حصارك لمصر اللي جالنا
نسيمها في عصرك بيشوي في بدنا

أؤيد وأبايع فخامة جلالتك
وأيد أي واحد بيمسح ريالتك
ولأنك سر باتع هاننسى هبالتك
فأقعد يا ريس ودلدل حمامتك

حمامة السلام حمامتك يا ريس
سلامة الحمامة وسلامتك يا ريس
يا ريس حمامة يا ريس كويس
على تل مصر يا ريتك تهيص
خرابة فسيحة عليها متيس
وأؤمر تطاع فشعبك مفيص

العم أحمد ... شاعر الفقراء

مصر

............................