بمناسبة ذكرى إنقلاب 8 شباط
الأســـــــــــــــود
عهـــــــــــــــــــــــــــــــــــــــــــد حسن هادي الشمري الى / الشهيد الزعيم عبد الكريم قاسم رحمه الله تعالى الذي قتلته يد الغدر والخيانة والعمالة وبه قتل العراق الجديد والكادحين والشرفاء إشلون إتمــــــوت ! أنت المـــــــوت وأنت الما يفوتك فوت يا ثورة شعب ... ويا عشـﮓ ثوار ... يا طـﮓ الفشـﮓ يا المّا سكتلّك صــــوت يا عالي وبخيت ويا شرف البيوت إنكسر ظهره لعظمتك وإنحنى التاريخ يا زين الرجال المّا غفى بتابوت ما ﮔـدروا عليك يقاتلون رجال ودوا موتهم غفله إلك بسكـّوت وسفه أعلى الزلم غفلت واجاها المــــــــاي إشلون الماي يـﮕـدر عالسدود يفــــــــــــوت طش بينا الحزن من موتك لهليوم ما نزعت حزنها لهلوكت بغداد ولا ضحكت بعد موتك أبد الكوت ظل لليوم حزنان التفـﮓ والنخل والزيتون راح الـﭽـان موت أعلى العدا وسيف وغضب طاعون يا خبز اليجوع وثوب للعريان ويا عصاة موسى الغرﮔـت فرعـــــــــــون بعد بيش إنتنخى لو يمرنا الضيم وبعد بيش إنتدفه من برد كانــــــــــــــــون ظل السيف خايف والكرم خجلان ومضايفنا زعل بيها الرغيف وعافها الماعــــــــــــــون بعد إلمن البيرغ ينحني ويـﮕـول أنا المنـــــــــــــون أكو غيرك يمينه شايله الرشاش وباليسره محامي وشايل القانون وعلى يا ﭽـتف بعدك يفتخر الأركان معذوره وألف حقها إذا من دم بـﭽـت العيون دفناك بحزن بـﮕـلوبنا لهليوم يا نخلــــــــــــه ... وطبعها تشبَّع اليجوعون وكتبنالك قسم بيه احنا عاهدناك وحقك يا زعيم الخير ( نحن على الدرب سائرون )
________________________________________
 |
ليست هناك تعليقات:
إرسال تعليق